Seirbhísí
Tá Comhairle Baile Chaisleán an Bharraigh freagrach as go leorseirbhísí sa bhaile mór. Roghnaigh an tseirbhís atá uait
ó na naisc seo thíos.
Deontais Tithíochta
Ar an 1 Samhain 2007 tháinig trí scéim deontas nua i bhfeidhm in áit an Deontais do Dhaoine faoi Mhíchumas agus an Deontais um Chóiriú Riachtanach. Tá na scéimeanna nua seo ar fad á riaradh ag Comhairle Baile Chaisleán an Bharraigh, agus is iad seo a leanas iad:
An Deontas Tithíochta le haghaidh Áiseanna Soghluaisteachta
Maoinítear oibreacha bunúsacha faoin scéim deontas seo chun deacrachtaí soghluaisteachta a bhaineann leis an aosú go príomhá, ach ní hamháin, a shárú. I measc na socruithe a mhaoinítear faoin scéim tá:
§ Greimráillí;
§ Rampaí rochtana;
§ Cithfholcadáin boinn leibhéalta;
§ Ardaitheoirí staighre; agus
§ Mionoibreacha eile a meastar gurb éigeantach iad chun freastal ar riachtanais soghluaisteachta duine den teaghlach.
Is é €4,500 uasmhéid an deontais, nó 100% de chostas na n-oibreacha, cibé acu is lú. Tá an deontas seo ar fáil do theaghlaigh nach bhfuil ollioncam teaghlaigh sa bhreis ar €30,000 acu in aghaidh na bliana.
Ba chóir an Fhoirm Iarratais ar Áiseanna Soghluaisteachta a chur faoi bhráid Chomhairle Baile Chaisleán an Bharraigh, Teach an Churraigh, Caisleán an Bharraigh, Co. Mhaigh Eo.
An Deontas Oiriúnaithe Tí do Dhaoine faoi Mhíchumas
Tá an deontas seo ar fáil chun oibreacha a mhaoiniú a bhfuil gá réasúnta leo chun teach a chur in oiriúint do dhuine atá faoi mhíchumas, .i. duine a bhfuil máchail fhisiceach, lagú céadfach, nó lagú intleachta orthu, nó a bhíonn i ndrochshláinte intinne ar bhonn seasta. I measc na n-oibreacha a cheadaítear faoin scéim tá rampaí rochtana, leithris ar urlár na talún, ardaitheoirí staighre, cithfholcadáin inrochtana, socruithe chun an áit a chur in oiriúint do chathaoir rothaí, síntí, agus aon oibreacha eile a bhfuil gá réasúnta leo chun teach a chur in oiriúint do dhuine atá faoi mhíchumas.
Beidh luach an deontais socruithe de réir ollioncam an teaghlaigh, agus maoineofar 30% - 95% de chostas na n-oibreacha formheasta leis. Léirítear sa tábla thíos luach na ndeontas atá ar fáil de réir ioncam measúnaithe an teaghlaigh.
|
Uas-ollioncam an teaghlaigh in aghaidh na bliana |
% na gcostas ar fáil |
Uasluach an deontais ar fáil do thithe a tógadhbreis is 12 mhí ó shin |
Uasluach an deontais ar fáil do thithe a tógadhníos lú ná 12 mhí ó shin |
|
Suas le €30,000 |
95% |
€22,500 |
€10,875 |
|
€30,001-€34,000 |
90% |
€20,250 |
€9,788 |
|
€34,001-€38,000 |
80% |
€18,000 |
€8,700 |
|
€38,001-€42,000 |
70% |
€15,750 |
€7,613 |
|
€42,001-€46,000 |
60% |
€13,500 |
€6,525 |
|
€46,001-€50,000 |
50% |
€11,250 |
€5,438 |
|
€50,001-€54,000 |
40% |
€9,000 |
€4.350 |
|
€54,001-€65,000 |
30% |
€6,750 |
€3,263 |
|
Breis is €65,000 |
|
Níl deontas ar fáil |
|
Ba chóir an Fhoirm Iarratais ar an Deontas Oiriúnaithe Tí do Dhaoine faoi Mhíchumasa chur faoi bhráid Chomhairle Baile Chaisleán an Bharraigh, Teach an Churraigh, Caisleán an Bharraigh, Co. Mhaigh Eo.
An Fóirdheontas Tí do Dhaoine Breacaosta
Tá an scéim seo ar fáil do dhaoine breacaosta a bhfuil drochchaoi ar an teach acu chun an teach sin a dheisiú nó a chóiriú mar is cuí. Áirítear i measc na n-oibreacha a mhaoinítear faoin scéim seo: deisiúcháin nó feabhsuithe déanmhasacha; ath-shreangú; deisiúcháin d'fhuinneoga nó doirse nó cinn nua ina n-ionad; feistiú córas teasa; soláthar uisce agus seirbhísí sláintíochta; glantachán; péinteáil agus tirimlíneáil.
Beidh luach an deontais socruithe de réir ollioncam an teaghlaigh, agus maoineofar 22.5% - 75% de chostas na n-oibreacha formheasta leis. Léirítear sa tábla seo thíos luach na ndeontas atá ar fáil de réir ollioncam an teaghlaigh.
|
Uas-ollioncam an teaghlaigh in aghaidh na bliana |
% na gcostas ar fáil |
Uasluach an deontais ar fáil |
|
Suas le €30,000 |
75% |
€7,875 |
|
€30,001 – €34,000 |
67.5% |
€7,088 |
|
€34,001 – €38,000 |
60% |
€6,300 |
|
€38,001 – €42,000 |
52.5% |
€5,513 |
|
€42,001 – €46,000 |
45% |
€4,725 |
|
€46,001 – €50,000 |
37.5% |
€3,938 |
|
€50,001 – €54,000 |
30% |
€3,150 |
|
€54,001 – €65,000 |
22.5% |
€2,363 |
|
Breis is €65,000 |
Níl deontas ar fáil |
Níl deontas ar fáil |
Ba chóir an Fhoirm Iarratais ar an bhFóirdheontas Tí do Dhaoine Breacaosta a chur faoi bhráid Chomhairle Baile Chaisleán an Bharraigh, Teach an Churraigh, Caisleán an Bharraigh, Co. Mhaigh Eo.