Seirbhísí

Íoc & Taispeáin

Chuir Comhairle Baile Chaisleán an Bharraigh córas Íoc & Taispeáin i bhfeidhm den chéad uair sa bhliain 2008.

Cead Páirceála Áitritheora

Is éard atá i gceist le Cead Páirceála Áitritheora ná cead a chuireann Comhairle Baile Chaisleán an Bharraigh ar fáil do dhaoine a bhfuil cónaí orthu i gceantair a bhfuil córas íoc agus taispeáin nó córas dioscpháirceála i bhfeidhm.  Ní mór foirm iarratais agus an cháipéisíocht a ghabhann leis a chur faoi bhráid Chomhairle Baile Chaisleán an Bharraigh.  Má tá an Chomhairle sásta le cruinneas an eolais, eiseofar cead don té sin ach muirear bliantúil a íoc, a bhfuil a luach faoi réir athrú de réir na bhfodhlíthe. . Ní ghlacfar le hiarratais ach ón duine féin ar mian leo cead a fháil, agus ní mór don fhoirm a bheidh comhlánaithe agus an cháipéisíocht a lorgaítear a bheith in éineacht leis.Forchoimeádann Comhairle Baile Chaisleán an Bharraigh an ceart chun tuilleadh eolais a lorg chun tacú le hiarratais nó le hathnuachain. Ní cheadaítear ach cead amháin do gach iarratasóir.

Ní chinntíonn Cead Páirceála Áitritheora spás poiblí páirceála don té a bhfuil ceann acu. Ní thugann Cead Páirceála Áitritheora cead páirceála áit nó ar bhealach atá toirmiscthe. Tá Cead Páirceála Áitritheora bailí don fheithicil agus don tsráid/na sráideanna amháin atá sonraithe ar an cead.

Foirm iarratais ar Sholáthar Cead Páirceála Áitritheora

Foirm iarratais ar athsholáthar Cead Páirceála Áitritheora

Cead Míosúil Páirceála

Tá Ceadanna Míosúla Páirceála ar fáil don phobal ar fad agus tugann sé cead dóibh páirceáil sna carrchlóis (.i. Carrchlós Chearnóg an Mhargaidh, Carrchlós Shráid an Chaisleáin, nó Carrchlós Shráid Spencer) ar feadh míosa. Gearrfar muirear míosúil as an gcead seo, agus féadfaidh luach an mhuirir seo athrú de réir na bhfodhlíthe.

Táillí Íoc & Taispeáin

Tá córas Íoc & Taispeáin curtha i bhfeidhm ag Comhairle Baile Chaisleán an Bharraigh ar Chaisleán an Bharraigh. Tá breis is 68 méadar páirceála feistithe sa bhaile mór ag pointí sonracha.

Ní thabharfaidh na méadair pháirceála sóinseáil agus ní mór mar sin an táille cheart a bheith agat.

Admháil

Eisíonn an méadar Íoc & Taispeáin admháil do thiománaithe le cur ar taispeáint ar ghaothscáth na feithicle ach is féidir é a úsáid mar chruthúnas ar íocaíocht chomh maith.

Táillí agus Uaireanta Gnó

Ní mór táillí páirceála a íoc

• idir 8.30 r.n. agus 18.30 i.n – Luan go Satharn.
• idir 8.30 r.n. agus 18.30 i.n. – Luan go Domhnach (Carrchlós Dunnes)

Páirceáil in aghaidh na huaire

Gearrtar €1 in aghaidh na huaire ar pháirceáil ar thaobh na sráide agus €0.50 in aghaidh na huaire ar pháirceáil i gcarrchlós, cé is moite de charrchlós Dunnes, áit a ngearrtar €1 in aghaidh na huaire.

Ó 1 Iúil 2010 i leith tá na táillí carrchlóis go léir faoi réir CBL 21%.

Páirceáil Míosúil

Cosnaíonn ceadanna míosúla páirceála €30 in aghaidh na míosa faoi láthair (CBL 21% san áireamh) le haghaidh Charrchlós Shráid an Chaisleáin agus Charrchlós Chearnóg an Mhargaidh. Tá lascaine 10% ar fáil má cheannaítear cead sé mhí, .i. €162, agus lascaine 20% má cheannaítear cead bliana (12 mhí), .i. €288.

Cosnaíonn ceadanna míosúla páirceála €18 in aghaidh na míosa (CBL 21% san áireamh) le haghaidh Charrchlós Shráid Spencer. Tá lascaine 10% ar fáil má cheannaítear cead sé mhí, .i. €97.20, agus lascaine 20% má cheannaítear cead bliana (12 mhí), .i. €172.80.